مصممة الهاند ميد رانده عبد الواحد تروي تفاصيل التحدي

اسمي

رانده محمد عبد الواحد
من اسكندريه
عندي ٣٤سنه ليسانس حقوق دفعه ٢٠٠٥ متزوجه وعندي طفلين وعاشقه الاشغال اليدويه
اشتغلت في أكثر من مجال في الاشغال اليدويه
مثل فن الفسيفساء والرسم علي الزجاج والاكسسورات
ولما لقيت مركز بيعلن عن تدريب علي حرف يدويه والشغل في المنزل وكمان تسويق للمنتجات
ولقيت اعلان تاني للاشغال اليدويه وكمان بيسوق للمتدريين
انضمت ليهم واختارت مجال المصنوعات الجلدية وده كان في أواخر سنه ٢٠١٥
وكل ده كان مجرد اجتهاد شخصي
ابتديت فعلا اشتري بعض والخامات الأدوات علشان ادرب نفسي بنفسي
و فعلا اتدربت علي مبادئ للشغل علي الجلد وده كان جميل
س للاسف الكورس كان نصه كويس والنص التاني مش كويس
بص الصعب في الموضوع بالنسبالي كان موضوع التسويق
بدأت اخد كورسات تانيه مكمله
وكل حاجه ليها علاقه بالجلد
واتابع فيديوهات اليوتيوب
وبعدين بدأت اشتغل في البيت وطلعت منتجات في البدايه كانت كويسه الي حد كبير وحازت علي اعجاب الأهل والاصدقاء
وبعدين اتجهت لتسويق شغلي عن طريق المعارض ما بين اسكندريه دمنهور والقاهرة و٦ اكتوبر والمنصوره اشتركت في حوالي١٠ معرض وابتديت والحمد لله اتكرم عن شغلي
ولسه رحلتي في تعليم وتطوير نفسي بتبتدي ولسه بخطط لشكل جديد لمشروعي واتمني من كل بنت او سيده ماتستسلمش لظروف العمل في مصر وتحاول تطور نفسها علي قد ماتقدر