أحدث أخبار الفن والرياضة والثقافة والمرأة والمجتمع والمشاهير في كل المجالات

مكنش يصح …. بقلم / رشا كمال

مكنش يصح

رشا كمال

مكنش يصح إنى أبوح
مكنش يصح إنى أكون كتاب مفتوح
وكان لازم أعذب قلبه وازرع فيه ندوب وجروح.
وكان لازم ف حبى أخبى ومبينش
وكان لازم أسهّر قلبه طول الليل عيونه متنمش
وكان لازم عليه أتقل ومهما أشوف الحيرة ف عيونه له مرحمش.
ومهما القلب له يضعف ويبكى عليه انا مضعفش
لكن محصلش
وكل أللى حصل إنى بدالته الحب بسلاسة،وعمرى ماضمرتله خباثة
المزيد من المشاركات

الشاعرة انتصار محمد حسين تكتب .. “تركني” 

محطتلوش على قلبى انا حراسة
وخضت معاه الحب بسهولة وبحماسة
واخرتها اهو راجعة مقهورة ومحتاسة
كفرت خلاص بدنيا العشق والعشاق
وبعلنها لكل الناس،انا من الحب قلبى براء
وليه نهدر ف اعمارنا لقاء فى فراق
وليه نزرع ف ارض الحب خير وورود نلاقى الطرح ألم وجفاء
سلام ياحب يلاّ سلام،أنا مفارقة
وهرحم قلبى م الحرقة
وتوبة ان عدت تانى اعود
✍الدرويشة
رشا كمال
قد يعجبك ايضآ
اترك رد

لن يتم نشر عنوان بريدك الإلكتروني.