أحدث أخبار الفن والرياضة والثقافة والمرأة والمجتمع والمشاهير في كل المجالات

من مشاكل القراء مأساة عروسة أطلق ولا اكمل ساعدوني

دعاء سنبل

كان زمان الست بتفوت علشان تعيش فكان الرجل بيحترم ده ومكنش بيسر فيها والمركب كانت بتمشي ، أنما في وضع مينفعش ولا الست تفوت ولا الراجل ده يتعاش معاه أصلاً ، وخصوصاً لو باين من الخطوبة ، كثرة حالات الطلاق زادت بسبب السكات في الخطوبة ، وسوء الاختيار .

مشكلة من بريد القراء

انا سنى 22 سنه متجوزه بقالي شهرين كانت خطوبتى 3 سنين شفت ايام سوده وضرب واهانه كتير واستحملت لانى كنت بحبه وكنت بخاف اهلي يخلوني اسيبه كنت بخبي عليهم كل حاجه واخر مره وانا مخطوبه ضربنى قولت لاهلي والدنيا فعلا اتقلبت بس برضه للاسف اتمسكت بيه وبعدها حددو الفرح واتجوزنا بعد اول اسبوع من الجواز ضربنى ع سبب تافه جدا مرديش اقول لاى حد اى حاجه وبعدين بعدها ع طول ضربنى تانى واعدنا حاولى اسبوع متتكلمش مع بعض وبعدين قالي انه غلطان واعتذر وبعدها بكام بيوم والده توفى ورحنا عندهم مع العلم هو من محافظه وانا من محافظه تانى وهو عايش معانا ف محافظتى لان والدتى تعبانه وانا مينفعش ابعد عنها لظروفها وده كان شرط اساسى ف جوازنا بعد اما باباه توفى عاوزنى اعيش معاه ف محافظته وانا رفضت لانى بتعامل اسوا معامله من مامته واخته لانهم مش بيحبونى خالص حاسين انى اخدته منهم انا رفضت رفضا نهائى وقولتله لا فكرنا وقال انه هيعيش مع امه واخوته ويجى يوم او يومين ف الاسبوع ليا وفقت وقالي اروح يومين روحت لقيت منهم معاملة خلتني افقد نفسيتى وتعبت جامد وبعدين بقيت اتحجج انى مروحش فهو فكر وجاب مامته واخته يعدو معانا بس احنا شقتنا صغيره جدا وانا كمان بشتغل وبرجع الساعه 5 من شغلي امه جت هى واخته نسيت معاملتهم ليا وكنت بعاملهم عشان بقيت خدامه تحت رجلهم وجيت حصلت خناقه بينى انا وهو وطبعااااااا مامته ادخلت وولعت الدنيا ومسكنى ضربنى لحد ماكنت هموت واعدت 3 ايام ف المستشفى بين الحياه والموت وهو اعد هو وامه واخته ف شقتى عادى ومحدش فيهم عبرنى وطلعت من المستشفى روحت لاهلي وانا عند اهلي الوقتى والموضوع واقف ع الطلاق وانا محتاره بجد انا بقيت بكره هو رافض يطلق وانا مش حاسه معاه لا بامان ولا ثقه ولا حب ولا اي حاجه غير الخوف وبس
انصحونى بقا اعمل ايه افضل معاه وامه تخليني اكره حياتى اكتر ولا اطلق دلوقتى احسن من بعدين وع فكره انا دايما بحس ان اخرتها معاه الطلاق لان هو ديما ضرب واهانه ليا ولاهلي ولا اعمل ايه اعتبرونى اختكم انا نفسيتى مدمرة ومش عارفه افكر ولا اخد قرار ومامته بتغير عليه جدا جدا منى ولو اعد معايا شويه فى اوضتنا تتكلم وتعد تزعق وتقوله متدخلش جوه الا ع النوم وهو بيسمع كلامها طبعا وبحس انه بيخاف منها وملوش شخصية مع اهله خالص شخصيته بيعملها عليا أنا وبس أعمل أيه انصحوني امي بتقولي أطلقي وانا خايفة .

حل المشكلة

عزيزتي الزوجة ماذا تنتظرين بعد أن رأيتي الإهانة بكل أنواعها ، قبلتي إهانتك وضربه ليكي من الخطوبة ، هل تنظري أن تحدث جريمة مثلما يحدث في حالات كثيرة هذه الأيام ، أم تنظري أن تنجبي أبناء وتهاني امامهم وتكوني سبب ان يكون هذا الشخص المسلوب الشخصية أباً لهم ، وان يصابوا بالأمراض النفسية ويصبحوا معقدين ، أو يصبحوا نسخة من أبيهم انفدي بجلدك قبل فوات الأوان .

قد يعجبك ايضآ
اترك رد

لن يتم نشر عنوان بريدك الإلكتروني.