أحدث أخبار الفن والرياضة والثقافة والمرأة والمجتمع والمشاهير في كل المجالات

موس الفروله مقدم من الشيف المبدعه سماح محمد

موس الفراوله

مقدمه من : سماح محمد
مدة التحضير : ساعه
وقت الطهي : ساعه
🍓🍓🍓 موس الفراوله 🍓🍓🍓
موسم الفراوله منوره فى الاسواق وريحيتها تحفه
المكونات :
قاعدة الموس :
نص كيك ابيض اى نوع كيك ( استخدمت هنا كيك بيتى كروكر بطعم الفراوله ) عملتها و لما استوت اخدت نصها للموس فى صينية بتتفتح
الموس :
500 جرام ويبنج كريم او علبتين صغيرين
كيلو فراوله مغسوله و متقطع نلفه بكوب الا ربع سكر ومعلقتين كبار جيلاتين بودر و4 معالق مايه
حنضرب الويبنج كريم لغاية مايمسك ونسيبه على جنب
حنرفع خليط الفراوله على النار نغليه غلوتين فقط يدوب يبتدى يتداخل ويدبل ونطفى ونسيبه يبرد شويه ونضربه فى الخلاط ونسيبه يبرد تماماااا ونخلطه مع الويبنج كريم
وننزل بيه فوق نص الكيك فى صينية تشيز كيك اللى بتتفتح وندخله التلاجه يمسك تماما
طبقة الوش :
حنكون عاملين باكو جيلى فراوله على كوبايه ونص مايه ويبرد تماما وننزل بيه على الموس بعد مايكون مسك وندخله التلاجه مره تانيه يمسك
يخرج من التلاجه نسلكه من الجناب بسكينه بشويش ونفتح الصينيه ونقدمه فى طبق التقديم
والف هنا 😍😍

قد يعجبك ايضآ
اترك رد

لن يتم نشر عنوان بريدك الإلكتروني.