موضوعات هامة عن الرؤى وأسرار جديدة تعرضها ا/ماليكا أيمن لأول مرة فى ندوة وشوشة

حلت بنت سيرين هذا العصر وقاموس التفسير ا/ماليكا أيمن ضيفة عزيزة على فريق عمل موقع أنتي وبس التابع لموقع وشوشة في صورة ندوة عرضة في شكل بث مباشر تحدثت فيه المفسرة ماليكا أيمن مع المحررين الصحفيين للموقع بأستفاضة عن علم الرؤى والأحلام وفي هذه المقاله أبرز ماجاء في هذا اللقاء المثمر من أسأله هامه وأجوبة أهم عن علم الرؤى وعن حياة المفسرة الشهيرة :-

▪هل فعلا الرؤيا إذا عبرت وقعت ؟
▫الرؤيا إذا عبرت وقعت “لأ” التفسير الصح للرؤيا هو الذي يقع .

▪متى يقول الشخص إنه أصبح على درايه إنه مفسر أحلام وهل تفسير بيبقى واحد للكل ؟
▫هى بتبقى هبه من ربنا سبحانه وتعالى دي أول حاجه فمش كل حاجه بقرأها فى كتب بتبقى ثابته وإلا كان الذهب تفسيره ثابت على الكل أو لبس لون معين ثابت على الكل وأظن إن كلنا بصمة إيدينا مختلفه عن بعض كذلك الحلم فمش معنى إنك وإنتى وإنتى شوفتى نفس الرمز يبقى التفسير واحد لأ .. كل واحد حسب سياق الرؤيا وعلى حسب حاله .
أما إزاى بقه أعرف إني مفسرة رؤى وأحلام فهى بتبقى من عند ربنا أنا نفسي لما بدأت فى المجال ده أنا بدأت أتخض فهى رزق من عند ربنا بيصتفى به من يشاء .

▪مامعنى تفسير الفستان الأبيض ؟
▫الفستان الأبيض حلو جدا .. فلو حد فى هموم وشاف نفسه لابس فستان أبيض يعرف إنه داخل على مرحله فيها إسترخاء ومش دايما بيفسر إنه جواز .

▪ياريت نتكلم عن الحاجات الثابت تفسيرها عند الكل ؟
▫الحاجات الثابت عند الكل صعب إن نحنا نحصرها فى قاعدة واحده .. وزى ماقولت إن فى رمز زى رقم ١٠ ده ثابت معناه لازم نخرج صدقه .. لكن كل الرموز بتبقى على حسب سياق الرؤيا.

▪إيه دلالة كل لون فى الحلم ؟
▫كل لون وليه معنى .. فاللون الأخضر لون مريح وأنا دايما بربطوا بالقرءان الكريم .. اللون الأصفر مش دايما يكون حلو .. الأبيض صفاء وراحه وأوقات بيكون فراغ فى حال الرائي .

▪ماهى الألوان التى ترى فى المنام وتكون تفسيرها هم أو حزن للرائي ؟
▫لو الشخص مش بيلبس اللون الأسود اللون ده لو مش متعود يلبسه فبيؤول بشوية هموم كمان الكحلي والألوان الكاتمة أو الغامقة بدل على شوية هموم كمان اللون الأصفر العادي مش محمود فى الرؤيا.

▪الثعابين إيه دلالتها فى الأحلام ؟
▫كتير بتبقى أعداء ،أوقات بتبقى إشارة لحمايه على حسب المنام فالثعبان الأسود ليه تأويلات كتير أوقات أعداء ،أوقات سحر ،أوقات حسد .

▪ماهو تفسير رؤية الحيوانات عموما فى المنام ؟
▫كل حيوان وليه تأويل .. لكن لو حد بيشوف بأستمرار حيوانات يبقى لازم رقيه شرعيه يعملها بيبقى أصابه حسد قوى جدا ده لو المنام إتكرر يعنى كل يوم حيوان شكل يبقى لازم رقيه لكن لو حيوانات كتير فى منام واحد فكل حاجة ليها تقويلها .

▪ماذا نفعل عندما يأتي الجاثوم للنائم ؟
▫الجاثوم إتكلمنا عليه كتير جدا وهو بيكون داخل فى شلل النوم بيبقى داخل فى كوابيس يعنى بتبقى شايفة مامتك أخوكي أي حد وبتبقى عايزة تتحركي أو تندهى عليه مابتقدريش وكنت قرأت عنه كتير جدا وفى ناس قولتلهم على طريقة رياضة معينة أول مايظهر الجاثوم يعملوها هيروح الرياضة هى إنهم يسترخوا تماماً ويبدأ يحرك أطراف إيده ورجلوا واحده واحده .. هل بيقدر يتحكم النايم فى نفسه ؟ أه بيقدر .. طب إيه النصيحة أل أقولها أن يجب للتحصين قبل ما تمام وننفض سريرنا وقراءة سورة الكرسي .

▪معنى قراءة سورة الكرسي فى المنام ؟
▫دايما بقول أى سورة أو أيه تظهر فى المنام نعملها وورد لينا .. أيه الكرسي مدلولها أن بيبقى فى حسد وفى أشخاص حوالين الرائي سيئه جدا .

▪إيه رأيك فى أل يقول إن أل بيحلم حلم وحش مايقولهوش لحد ويدخل الحمام ويحكية فيه أو يفكر فيه عشان مايتحققش ؟
▫أى حد بيشوف حلم وحش وهو عارف إن تفسيرة وحش يستعيذ لكن موضوع الحمام والحاجات دي تقاليع فاضية .

▪ماذا يعنى رؤية شخص يعرفوا مات فى المنام ؟
▫بتبقى مفارقة بينه وبين أل شافه مات فممكن تكون المفرقة على شكل إنتقال شغل من مكان لمكان لو حد مش متزوج بيبقى زواج له فرؤية الموت مش وحش طول مافيش صويت ونواح بيبقى المنام كويس .

▪مامعنى رؤية البكاء والنواح فى المنام ؟
▫البكاء بيبقى فرحة لكن النواح بيبقى لايحمد لأن المفارقة بتنتج ضرر كبير لكن مش شرط موت .

▪أيه معنى رؤية الفنانين فى المنام ؟
▫التفسير بيبقى على حسب حال الفنان وأسمه فى الحقيقة يعنى لو الفنان عليه جدال أو مش مشهور أو فى مشكلة وقت الرؤية يبقى بننصح الرائي فى بعض الأمور لكن لو الفنان مشهور جدا أو سهمه عالى بيبقى بشرى للرائي .

▪إيه أغرب حلم حضرتك فسرتيه ؟
▫كتير بس كان فى واحده شافت إن الرسول (ص)بيزوجها لسيدنا أبوبكر الصديق وفى الرؤية قالت رمز معين فك رموز الرؤية وهو إنها قالت وهو بيزوجها ياربي ده كتير عليا وأنا فسرتهلها إنها وقعت فى ذنب معين وزوجها من أبوبكر الصديق يعني إنها تابت وهتصدقك وهتقول سرها ده لحد وفعلا هى قالتلي إنها أذنبت وكانت هتقول الذنب ده لشريك حياتها لكن ربنا بعتلها الرؤيا عشان ماتقولش حاجة .

▪إيه الفرق بين الحلم والرؤية ؟
▫ الحلم بنقول من الشيطان بصفه عامه أو تلاعب عقل باطن أما الرؤية فبتكون من عند الله سبحانه وتعالى يعنى بيبقى فيها إشارة وتنبية ،إنذار ،تحذير أو بشرى .. والتلاعب من الشيطان دايما بيجي يحزننا ويقلقنا .

▪هل فعلا ميعاد الرؤيا الفجر أم ليها مواعيد تانيه ؟
▫دى أقاويل أتقالت إن قبل الفجر أو بعده بتبقى رؤية وبعد كده مابيبقاش لأ طبعا .. الرؤية فى توقيت المغرب بيبقى تلاعب من الشيطان يعنى تحديدا من المغرب للساعة الواحده صباحا ده لا يأول برؤية ده تلاعب من الشيطان كمان الرسول (ص) نهى عن النوم فى الفترة دى وقال من نام لايلوما إلا نفسه لكن الرؤيا ممكن نشوفها فى أى وقت .

▪هل رؤية الدم فى المنام يعنى أن المنام فاسد ؟
▫لأ .. بلعكس الدم دايما ليه تأويل فأوقات بيأول إنه تنبيه أو حادث أو ذنب وقع فيه صاحب الرؤية .

▪هل ممكن نتنبأ بالغيب عن طريق المنام ؟
▫الرؤية جزء من النبوة يخص بها الله الإنسان فممكن أن نعرف جزء من الغيب من خلال الرؤيه .

▪إيه الأسس أل بتستندي عليها فى التفسير ؟
▫أنا بشوف حال الرائي ،بشوف رموز الرؤية بربطها ببعض من أولها لأخيرها ده بجانب الخبرة الكبيرة أكتسبتها من الممارسة .

▪حضرتك أتعلمتى التفسير إزاي ؟
▫أنا ماتعلمتش التفسير من حد دى هبه من ربنا عشان أل يقول إنه إتعلم فى مكان أو أخد كورسات الكلام ده غير صحيح تماماً لأن دى هبه من عند ربنا وزى ماقال الشيخ الشعراوي إنها هبه من الله يصتفى بها من يشاء .

▪متى أكتشفتي الهبه دى وإزاي ؟
ده حديث طويل .. أنا شفت رؤيا طبعا مش هينفع أقولها الكلام ده من كام سنه .. بعدها بسنه كنت داخله جروب عادي لتفسير الأحلام عشان يتفسرلي منام زى أى حد لاقيت التفسيرات أل مكتوبة للناس كلها غلط فبقيت أكتب لوحدي التفسير للناس كذا وكذا أتصدمت بعدها لما لاقيت صاحبة الجروب كلمتني وقالتلي حضرتك إزاى فسرتي ده الناس كلها أجمعت إن تفسيراتك كلها صح هنا أنا صليت ركعتين لله وركعتين أستخارة لدخولي المجال ده لأن الموضوع ده فيه حرمانية كبيرة جدا وكل ماأدخل الحلقة بتاعتى أصلي لله وأدعيلوا لو وجودى فى المجال ده خير ينور بصيرتي أكتر فقلاقى الناس بتحبني أكتر .. فالناس كلها عارفة إنى لسه ظاهرة من سنتين تلاته والحمدلله بإرادة ربنا بقالي إسم .

▪تقولي إيه عن الناس أل بتقول إنها مش بتحلم أو بتنسى الحلم ؟
▫هى على حسب شخص لأخر فأوقات نفتكر مقتطفات أو تشوف شئ وتقول دانا شوفتوا قبل كده تعرفي إنه كان منام وأوقات الموضوع داخل فى علم النفس مش أكتر .

▪ماهو تفسير رؤية السفر فى المنام ؟
▫السفر فى المنام إنتقال الرائي من حال لحال وياسلام لو السفر عن طريق الحيوانات بيبقى خير عظيم .

▪ماهو معنى رؤية السيارات فى المنام ؟
▫كل سيارة وليها معنى وكل لون وماركة للعربية ليها تأويل .

وفى ختام الندوة ..

تم تكريم بنت سيرين هذا العصر الأستاذة ماليكا أيمن ومنحها شهادة تقدير من الموقع وقام بتسليمها الشهادة الأستاذ أحمد الهواري وتوثقة هذه اللحظة بمجموعة من الصور التي سنعرضها عليكم ..