ميدو لسيد عبد الحفيظ : أوجه التحية لك لعدم تقبل الإهانة ” شيكابالا مظلوم “
ميدو لسيد عبد الحفيظ : أوجه التحية لك لعدم تقبل الإهانة ” شيكابالا مظلوم “
كتبت: إسراء الشامي
انتقد احمد حسام ميدو، المدير الفنى الأسبق للفريق الأول لكرة القدم بنادي الزمالك، سيد عبد الحفيظ مدير الكرة بالنادي الأهلي، بسبب رفضه التواجد في الممر الشرفي الخاص بنهائي كأس مصر والذي انتهى بفوز الزمالك بهدفين مقابل هدف وحيد.
وقال ميدو في تصريحات عبر برنامج الريموتتادا على قناه المحور ” أوجه التحيه لسيد عبدالحفيظ على تصريحاته بشأن عدم تقبله للاهانه، وبقوله انت كده راجل دكر، اي حد لازم يرفض الإهانة.
وأضاف :” لكن كان نفسي ان سيد عبد الحفيظ يحترم البروتوكول اللي أقره اتحاد الكرة المصري، واللي بيتمثل في الممر الشرفي وعلى فكره البروتوكول ده مبعوث من اتحاد الكورة، مش مبعوث من نادي الزمالك، اتحاد الكره بعث قبل ماتش الاهلي و الزمالك البروتوكول ده علشان نصدر صوره جميلة للكره تمثل الروح الرياضية بين الفريقين.
وواصل ” فكرة ان الممر على المزاج زي ما قال سيد عبدالحفيظ مش داخله دماغي وانت المفروض تكون فرحان بالفكرة حتى لو متعملش قبل كده”.
وتابع ” الممر الشرفي يا كابتن سيد، نادي الزمالك بتاريخه هو اللي عاملهولك، احتراما للنادي الأهلي ولتاريخه، واحتراما للعلاقات القويه بين الناديين، لكن رفضك الدخول في ممر شرفي ده مينفعش يتعمل من مدير كورة يا كابتن سيد وهذا عتابي عليك.
واكَمل حديثه لو كان الأهلي كسب كان الزمالك هيدخل بكامل أعضائه في الممر الشرفي، انا مع سيد عبد الحفيظ قلبا وقالبا في عدم تقبل الاهانه، لكن عتابي معاك في عدم دخولك الممر الشرفي مشكلتك مع مرتضى مش الزمالك.
وقال ميدو محدش طلب منك ياكابتن سيد انك تتقبل الخسارة في فرق بين تقبلك الخسارة وبين انك تكون خاسر سيئ، الزمالك كسبك كوره في الملعب، لكن اللي عملته برفضك الدخول في الممر الشرفي انت كده بتثبت انك خاسر سيئ.
وأكد اني كنت مدرب للزمالك وكان في ماتش للأهلي، وفي احد الاعب بيقول لاعيبه الزمالك متسلموش على لاعيبه الأهلي، رفضت وقولتله ليه متسلمش عليهم، عايز تكسبوا، اكسبوا في الملعب، لكن فكرة انك متسلمش عليهم قبل الماتش او بعد انت كده معملتش حاجه كويسه.
وأضاف رسالتي لسيد عبدالحفيظ ابعد الزمالك عن مشكلتك مع احد، الزمالك ملوش علاقه بازماتك الشخصية.
ميدو يدافع عن شيكابالا
دافع احمد حسام ميدو عن محمود عبدالرازق شيكابالا قائد الفريق الأول لكرة القدم بنادي الزمالك، مشددا على أن البعض يحاول ان يجعله يقع في الخطأ من خلال فبركة الفيديوهات.
قال ميدو شيكابل مظلوم والبعض حاول تزوير بعض الفيديوهات من اجل ان يقع اللاعب في الخطأ.
وأكد على أن الفيديو الأصلي طلب شيكابالا من جماهير الزمالك ماتشتمش، وحول هتاف الشتيمه إلى هتاف الدوري يا زمالك، شيكا عايز يتغير ويحسن علاقته مع جمهور الاهلي، ورغم كدا البعض بيحاول ينتقم منه بيفيدو مفبرك.
واختتم حديثه قائلا :البعض بيحاول اقحام شيكابلا في الازمات، ورسالتي لجمهور الزمالك ارجوكم لما شيكا يروحلكم وهو مش هيبطل يروحلكم، متشتموش، علشان ميدخلش في مشكلة بسببكم.
