ميدو يعلن عن موعد اعتزاله التدريب .. وموعد ترشحه لرئاسة نادي الزمالك

أعلن العالمي “احمد حسام ميدو” لاعب نادي الزمالك ومنتخب مصر السابق ومدرب نادي مصر المقاصة الحالي عن موعد اعتزاله التدريب في إحدى البرامج مع سيف زاهر.

وقال ميدو “أنا كنت محدد الوقت اللي هعتزل فيه كرة القدم واللاعبين القريبين مني كانوا عارفين، وفعلا اعتزلت كرة القدم وانا عندي 30 سمة وده كان ترتيبي”

وأضاف ميدو قائلا “هعتزل التدريب في سن 50 سنة وده سن مناسب جدا ليا وهكون قدرت أحقق اللي بتمناه في عالم التدريب في مصر وخارج مصر”

وأقر ميدو على أنه يحصل الآن على الرخص التدريبية كاملة حتى يتمكن من التدريب في أوروبا وهو مايتمناه العالمي.

وينوي ميدو العمل في أوروبا كمساعد مع أحد المدربين لمدة سنتين أو ثلاث حتى يتمكن من قيادة فريق بمفرده في إحدى الدوريات الكبرى.

أما عن رئاسة نادي الزمالك فقال

“هعتزل التدريب في سن 50 سنة وده سن مناسب عشان أكون رئيس نادي الزمالك وانا متأكد أني أول ما هترشح هيتم انتخابي رئيس للزمالك”

وصرح ميدو قائلا “أنا شايف أن الأهلي والزمالك لأبنائهم يعني مينفعش أبن الزمالك يدرب الأهلي ولا العكس عشان كدا مش هكون مدرب للأهلي أبدا”