أحدث أخبار الفن والرياضة والثقافة والمرأة والمجتمع والمشاهير في كل المجالات

مي حلمي تنهر مروجي الشائعات بكلمات قاسية: كلنا بندور على الفرقعة

فاطمة عبدالحميد

خرجت الإعلامية مي حلمى عن صمتها وأعربت عن غضبها واستيائها تجاه الشائعات التي لاحقتها منذ إلغاء حفل زفافها على المطرب محمد رشاد بلا رحمة، ودون مراعاة لمشاعر اي الطرفين، حيث أصدرت بيانا صحفيا مرفق بفيديو من خلال حسابها الشخصي عبر موقع تبادل الصور والفيديوهات “انستجرام” تعبر فيها عن شعورها الحزين بسبب إلغاد فرحها وكسر قلبها قبل الموقع بساعتين فقط على تحقيق حلم العمر.

وظهرت مي حلمى خلال مقطع فيديو لها وهى ترتدى فستان زفافها قائلة: “عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي، كلنا بندور على الفرقعة على السبق اللي يضرب، بس لو هتكلم عن نفسي عمري ما هعمل كده وقت غياب فرحة حد، ومش أي فرحة دي فرحة العمر زي ما بيقولو ….. إزاي ؟ إزاي قدرتوا تعملوا كده لكل الناس وأولهم القريبين”.

وأضافت ” حلمي”: “إزاي قدرتوا تقولوا كلام غلط وحكايات ماحصلتش إزاي سبتوا فرحتنا على جنب، طيب هقولكم عارفين يعني إيه بعد ما ألبس فستاني أقلعه!! بعد ما خلاص خطوة واحدة من ٤ سنين مستنياها تبوظ بسبب الناس اللي نقلت كلام غلط، مش هقول الميديا، الميديا طول عمرها كده، وقبل ماشتغلها وأنا عارفة أنها كده نتكلم عن الناس الطبيعية ….. إزاي قدرتوا تشمتوا وتفرحوا في وجع غيركم واللي يدعي واللي يضحك واللي يقول أحسن فهموني انتوا بني أدمين ؟ بتخافو ربنا ؟”.

وتابعت: “طيب حتى لو نفرض وده فرض إن حد من الطرفين غلطان ليه الدعا عليه والحسبنة ليه، أصله مش زرار هتقوم من النوم تدوس عليه فهتنسى العشرة والسنين وتقعد تدعي وتهين لا لا أبدا مهما حصل بتلاقي نفسك مش طايق كلمة وحشة على الطرف التاني ونفس الكلام للطرف الآخر”.

واستطردت حديثها قائلة: “بعد الهيصة والزيطة مابيفضلش غير الحلو وبيبان الوحش بس كل الاي عايزه اقوله الشدد بتبين، في الآخر حبيت اخرج كلام جوايا من اللي شوفته اليومين اللي فاته والله والله مافرق معايا غير فرحتنا أنا وهو مش أنا بس اللي اتكسرت فستاني الي قلعته بدلته الي اتقلعت ومحدش فاهم حاجه أهالينا اللي زعلانين علينا”.

واختتمت بكلمات قوية قائلة: “ماكنتش ناوية اتكلم بس كلام جوايا وكنت عاوزه أقوله محدش بيرضي في عشرة عمره لو عامل فيه ايه مابيرضالوش الوحش ولا دعوة واحدة بالغلط عشان ماحدش كان عارف ايه اللي حصل معظم الناس انا كنت هناك انا كنت حاضر انا كنت شاهد … كنت دعيت ربنا يهدي الدنيا ويجمعهم في الحلال بدل ما كنت حكيت اللي سمعته مش اللي شوفته احساس صعب فرحة عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا”.

“فرحة فستان #بتاعت_الراديو راجعة راجعة إن شاء الله هنحكي كل حاجة وهنقول كل حاجة بس في الوقت الي احنا عايزينه مش اللي الناس عاوزاه…. نصيحة من قلبي لكل اتنين متجوزين عايزين يسيبوا بعض لكل اتنين مخطوبين لكل اتنين بيحبو بعض “الحب مابيتبعش” ولو ضيعتوه والله ما بيجي تاني امسكو فيه مهما حصل اكيد هنطلع ونتكلم بس ادونا شوية فرصتنا مع بعض بعيد عن الأضواء وعاوزة دعوة حلوة لينا أرجوكم”.

قد يعجبك ايضآ
اترك رد

لن يتم نشر عنوان بريدك الإلكتروني.