هاعمل انى مصدق قصيده جديده للشاعر محمد عبد المنعم
هاعمل انى مصدق. وأقول فراقك ماهزنيش
وأوصى قلبى ينسى وعيوني ما تبكيش
واكدب وأقول كنتى ف حياتى يدوب فترة
عمرك ما كنتى حبيبتى. ولا ليكى ف قلبى ذكرى
وبيكى او بدونك ها قدر أعيش
هاعمل انى مصدق
أيامى معاكى وتفاصيلها. وكل حاجة بتفكرنى بيكى
و دموعى عنك باحكيلها. واشكيلها منك اليكى
وأنا ممكن اعمل ايه دلوقتى لو عينى جت ف عينيكى
دا شفايفى خدت على سيرتك
وصورتك
كل ليلة بامسكها يدوبنى الحنين
وكل فجر طالع بيسالنى عليكى
واكدب وأقول كنتى فى حياتى يدوب فترة
المزيد من المشاركات
عمرك ما كنتى حبيبتى. ولا ليكى ف قلبى ذكرى
وبيكى او بدونك هاقدر أعيش
هاعمل انى مصدق
باضحك على روحى. وأقول عايش حياتى عادى
وأنا م الوحدة باكلم روحى. وحضنى بعدك فاضى
وإنساني وما انساكيش وصلت للدرجة دى
قلبك هيفضل حبيبى
لو حتى مش نصيبى
انى اشوفك تانى وعيوننا نتقابل
عمرى ما ها حلم غير بيكى
هاعمل انى مصدق
كلمات
محمد عبد المنعم
منعم
