هم النم

هم النم

في حوار تخيلي واقعي

الأم

تطعم طفلها الصغير الذي لم يكمل العامين

وهي تغني أغنية هم النم

لتشجيعة علي تناول الطعام

الأم :

مرة سالت الأستاذ أرنب ليه ماانتش

لابس نضارة قال طول عمرى ظريف

ومؤدب وآكل من غير ماأعمل غارة

علشان باكل أقدر العب واجرى أسرع

من الطيارة وزمان قالوا الجزر أكله يقوى

……………………………………………

هنا

يقترب منها طفلها صاحب الست سنوات

ويسألها

الطفل :

ماما هي الأغنية دي حلوة ؟

الأم : طبعا يا حبيبي

الطفل  :

يعني أنا مش مؤدب وإنت مش هتحبيني  خلاص ؟

الأم  في فزع  :

إزاي تقول كده ؟

إنت أحسن ولد في الدنيا

الطفل :

بس اللي بيلبس نضارة من ظريف ولا مؤدب

الأم :

مين اللي قلك كده ؟

الطفل :

الأغنية الحلوة هي اللي بتقول كده

مرة سالت الأستاذ أرنب ليه ماانتش

لابس نضارة قال طول عمرى ظريف

ومؤدب وآكل من غير ماأعمل غارة
يبقا اللي بيلبس نضارة مش مؤدب

وأنا لابس نضارة

أنا هكسرها علشان أبقا ولد حلو

هنا كانت صاعقة الأم التي إحتضنت إبنها بقوة وهي تبكي

الأم :

لا ياروحي

إنت مؤدب وجميل أوي كمان

والنضارة دي مهمة لعنيك علشان عنيك تخف

والغنوة هي اللي غلط ووحشة كمان

الطفل :

بس إنت قلتي إنها غنوة حلوة

الأم :

أنا أسفه يا قلبي … أنا غلط … هي أغنية وحشة وفيها كلام غلط

وإنت حلو وأحسن ولد في الدنيا وأنا بحبك أوي أوي

نهاية

………………………………………………………….

وهنا

ومن هذا الحوار التخيلي

الذي ممكن أن يحدث لاننا نتعامل مع أطفال

أكثر ذكاء وأقوي ملاحظة

لذلك لابد من وقفة قوية مع النفس

لابد أن

نراجع كأمهات كل ما يقال أمام أبنائنا

كل ما يمكن أن يشاهدوه

ولا نعتمد علي أن بعض الأشياء جميلة لمجرد إننا تربينا عليها

أو تحت مبدأ

أصلها أغاني أطفال أو كارتون أطفال خلاص يبقا كويس

ففي الأونة الأخيرة

سمعنا شكوة لبعض الأمهات

عن وجود أنواع كرتون تحمل أشياء غير أخلاقية

وتم إكتشافها بالصدفة للأسف

الأطفال مسئولية وخصوصا في السن الذي لا يعرف

فيه الطفل أن يفرق بين الشئ الصحيح والشئ الخطأ

لان

كثيرا مما يقدم لأبنائنا قد يحمل سموم فكرية أو أخلاقية لا نتخيلها

مما يشوة هذه النبتة الصافية الجميلة

ويجعلها

كالنخلة المعوجة التي لا يمكن إصلاحها في الكبر

راجع ما يقدم لأبنائك

لأنك

المسئول الأول أمام

الله

والمجتمع

رانية المهدي