أحدث أخبار الفن والرياضة والثقافة والمرأة والمجتمع والمشاهير في كل المجالات

وبشرفى”فاحفظ هذا عنى”  …  للشاعر /  محمد زيدان

النص على لسان امراه " بصيغة المؤنث"

وبشرفىفاحفظ هذا عنى

النص على لسان امراه بصيغة المؤنث

الشاعر : محمد زيدان

وبشرفى

فى حياتى ما كنت اتصور*** انك انت تتخلى عنى

 وانا اللى ياما ايديا اتمدت *** وعمر ما شىء عنك اخرنى

ولا عن قلبك اللى كنت ليه مستعدة

اجبله النجوم على طبق مالفضة

واما ضاقت عليا ودارت الدنيا

 كان ليك رد فعل .. حقيقى صدمنى

ملقتش فيك ذرة احساس اتهزت لضيقتى

 وسحبت نفسك من حياتنا ومترددش سنتى

قلبك بانه يسبنى وييجى مع الظروف ضدى

وبدال ما يمدلى طوق النجاة .. ساعدها تغرقنى

 ظرف وبين قد ايه انت عبارة عن شوية بخار

مع اول عاصفه قابلتنا ملقتش لوجودك فيها اثار

 ظرف اتفرض علينا وكان بمقام مليون اختبار

لو فضلت بعمرى امتحنك

كان لا يمكن ذكائى ..من حقيقتك مكنى

*********** 

كان ابعد من انى اتوقع *** تطلع كنت بتستخدمنى

   انسانه هتعرفها لفترة *** وبعدها هتكون مستغنى

انا حقيقى مذهولة ومن نفسى مستغربه

ازاى اتغريت فيك ودخلت ف تجربة

محستش خالص فيها انها صفقه مزيفه

غير النهارده ومن غير ترتيب .. المواقف عرفتنى

خدعنى ذكائى يوم ما شوفتك ف عينيا راجل

حابة اديلة وعن طييب خاطر كل اللى فاضل

من حيانى ومكانشى عندى ف كدة اى مشاكل

بس اتضحلى ان ذكائى .. معاك بيخونى

كان نفسى بجد ..وكنت منتظراك تثبتلى

بس الحقيقه المواقف هى اللى اثبتتلى

ان اختيارى ليك كان غلط .. زى اعتمادى بالمللى

وميرسى على انها ..من اوهامى فوقتنى

****************

انا عن نفسى مستنتش مقابل  *** على اى تضحية صدرت منى

بس كان دورك ف المقابل   *** اما ابقى ف شده ايديك تسندنى

انما انا ملقتش حتى عندك روح الشغف

تعرف انا ليه مسار الحياه بيا انحرف

والايدين اللى اعتمدت عليها بكل اسف

كانت اول ايدين انسحبت ..اول ايدين بعدتنى 

اسفة انى اديتك كتير من وقتى وجهدى

واضافت اللى مفيش مخلوق ..حلم بية يعدى

 واللى مفيش مخلوقه .. هتتفوق عليا فية من بعدى

اسفة انى بكل تهور

مشيت مالاول

 طريق ارهقنى

بس بشرفى لا ادوس على ضيقتى وهعرف اخطيها

ودى مش اول مرة الحياة تدخلنى تحدى معاها

وانت اللى عليك تقف تتعلم .. ازاى الازمات تعديها

وبشرفى مرة تانيه

لا هثبتلك وهثبت للدنيا

فاحفظ هذا عنى

محمد زيدان

قد يعجبك ايضآ
اترك رد

لن يتم نشر عنوان بريدك الإلكتروني.