🌺 حوار .. شيماء حسين تصرح قليل المهتمين بملابس الأطفال

اليوم سنبحر معكم فى إحدى العوالم وهو عالم تصميم الأزياء ولكننا سنتعرف على مصممة أزياء شيماء حسين المتخصصة فى تصميم أزياء الأطفال فهيا بنا ..

فى البداية أحب أن أخبرك أنى سعيدة بهذا اللقاء كثيرا ونريد أن نعرف كيف دخلتى عالم تصميم أزياء الأطفال ؟
– الموضوع بدأ معايا من اول ما بئيت أم لاول مره مكنتش عارفه هلبسها ازاى وفى نفس الوقت عايزه البسها حاجه مش موجوده تبأه معموله ليها مخصوص وبدأت افكر ازاى وبئيت اجرب فى بنتى لغاية ما الناس بدأت تشوف اللبس عليها وتقول عايزين زيه .

– من الذى ساعدك فى تنمية موهبتك ؟
– اللى نمى موهبتى جوزى وماما وبابا واخواتى .

– ماهو برجك الفلكى ؟
– أنا برجى الدلو .

– ماهو أجمل تعليق حصلت عليه ؟
– بصراحة الناس بتشجعنى كتيررر لدرجة ان لو فيه سيزون معملتش كوليكشن جديد بيزعلو وفيه تعليق عجبنى قبل كده سماهم على وجوهم وساعات بيبعتولى هدايا شكر ان الحاجه عجبتهم .

– ما هى الذكرى التى لن تنسيها أبدا؟
– ذكرى اول ربح اكسبه بعد نزول الكوليكشن مكنتش مصدقه انى نجحت .

– من مغنيك و ممثليك المفضلين ؟
– عمرو دياب ومنى زكى .

– مالأمنية التى مازلتى تتمنيها منذ الصغر ؟
– نفسى ابأه اول فاشون ديزاينر فى العالم بتهتم بالطفل والاسره مع بعض وجعل بينهم روح حلوه انهم يشاركو بعض فى كل اللحظات ويلبسو زى بعض فى كل المناسبات .

– لما أخترتى مجال تصميم الأزياء للأطفال ؟
– لان قليل اوى اللى مهتمين بملابس الاطفال فى مصر .

– ماهى أقرب ألوان الموضة التى تحبينها ؟
– مش بحب ارتبط بموضه معينه ولا الوان معينه لازم كل كوليكشن يباه شامل كل الالوان وكل الاستايلات عشان يناسب جميع الاذواق .

– أعطينا نصائح لأمهات الأطفال حديثى الولادة ماذا يلبسون لأطفالهم ؟
– دايما الام تختار الالوان المبهجه للطفل لانه بيعكس على شخصيته وعلى حيويته ونشاطه وتختار الخامات اللى يقدر يتحرك بيها بسهوله .

– أعطينا نصائح لأمهات بماذا يلبسون أطفالهم فى المناسبات ؟
– الطفل بيستنا المناسبات عشان يشوف شكله بشكل مختلف تماما عن اى يوم فدايما حاولى تلبسيها زى الاميرات والبرنسيسات ومنفوش هيعكس عليها سعاده مش طبيعيه .

– ماهى أغرب صيحات الموضة للأطفال بنسبة لكى ؟
– بزعل لما بلاقى قطعه معموله مفيهاش ابداع ولا ليها روح الطفل دايما بيحب الحاجه اللى قريبه من قلبه ومن حياته فيه موديلات يتطفى نشاط الطفل زى استخدام الالوان الغامقه .

– ماهى أقرب تصميماتك إلى قلبك ؟
– كل تصميم قريب على قلبى لان بيباه فيه مجهود مش طبيعى .

وفى النهاية سأترككم مع تصميمات الأطفال ..
وإلى اللقاء فى لقاء جديد ..