تشيز كيك مقدمه من مطبخ اكلات مني صالح

كتبت سمسمه سعد

تشيز كيك مقدمه من مطبخ اكلات مني صالح

المكونات

اول حاجه اجهز الجناش
١٠٠ملي  مياه
٥٠ملي زيت
٥٠ جرام من الكريم شانتي الخام
ارفعهم علي النار مع التقليب لحد الغليان انزل بي ٢٠٠جرام من الشيكولاته المبشوره انا استعملت قالب دريم واقلب كويس لحد ماتفك واهدي النار وانزل بمعلقه كاكاو نسكويك طعمه حلو جدا و٢معلقه شيكولاته قابله للدهن نوتيلا او اي حاجه متاحه وممكن نستغني عنها ونقلب كويس جدا واول ما يفك تمام نصفيهم ونخليهم يبردوا على جنب مش في التلاجه. وده لوجه التشيز

الكراميل
كوب سكر عليه ٣معالق مياه عليه معلقه عسل جلوكوز نرفعه علي النار مع تحريك القلايه ونقلب باسبتيولا لحد مايتكرمل ننزل عليه بمعلقه كبيره زبده ونقلب بسرعه لحد مايتجانسوا و نزل عليهم بكوب لبن ساخن  ونقلب كويس تلاقيها قلقعت منك قلبي براحه على نار هاديه وهاتفك معاكي انزلي عليها ب قالب شيكولاته بيضا متقطع مكعبات بيكون ٢٠٠جرام واقلب فيهم لحد ماتختفي تماما اقلب معلقه كبيره نشا مع ربع كوب لبن وبضيفهم في الاخر واقلب كويس ويغلي وانزلهم في مصفاه وصفيهم وادخلهم التلاجه
وده كمان لوجه التشيز للطبقه الاخيره
…………
نطحن البسكوت انا استخدمت نواعم
٣٠٠جرام بسكوت مطحون وعليهم ١٠٠زبده سايحه وافركه كويس جدا وانزلهم في صينيه مقاس ٢٦واضغط كويس وادخلهم فرن حامي لمده ٣دقايق وأخرجه يبرد وعلي الفريزر
………..
اجهز ٢معلقه جيلاتين بودر على ربع كوب ميه عاديه واقلب كويس جدا واسيبهم يشدوا على جنب تكون زيي الجيلي ماتقلقيش منها
………….
اجهز الكريمه
٢٠٠جرام من الكريم شانتي الخام على ٢كوب لبن متلج واخفق هم كويس جدا مع معلقه كبيره سكر بودر

الكريم تشيز
ربع كيلو كريم تشيز انا هنا استعملت كيري السايب بتتباع بالكيلو او كوبايتين من البريزيدن الزرقا او بوك الزرقا… بالقشطه
اسقعهم كويس جدا وانزل عليهم بمعلقتين قشطه كبار ولو من وش اللبن مع ربع كوب سكر بودر واخفق هم حوالي عشر دقايق
وانزل عليها بالكريم شانتي المخفوق واخفق هم سوا مع عصير ليمونه
وافك البولا اللي فيها الجيلاتين في حمام مائي ساخن وصفيها علي الكريمه كلها مع الخفق لحد مالجيلاتينا تختفي
ابتدي انزل الكميه الكافيه للصينيه وده يكفي صينيه واحده
انا كنت عامله مقدرين
وخدت نص مقدار وزودته من الكراميل اللي عندي مع ٣معالق كبار هرمي نسكويك كاكاو وحطيت منهم الطبقه التانيه
……
بطلع الصواني من الفريزر بتاع البسكوت وانزل بالكريم تشيز عليهم وادخلهم الفريزر يشدو كويس وانزل عليهم ب الجناش اللي عملته وبارد بره التلاجه او بصوص التوفي اللي عملته
ده حسب رغبتكم
والمكسرات والشيكولاتات حسب ماتحبوا تزينوا انتم التشيز وندخل ا التلاجه مده لاتقل عن ٦ساعات والف هنا
َ…..
ملحوظه الجناش بستعمل في التورت للصب او اخفقه كويس واحشي بيه
وممكن اخفقه كويس بعد ماادخلهم التلاجه واعمل منه روزتات بقمع الكريمه التورته اللي بالشيكولاته
سهل جدا وطعمه روعه

رئيس قسم المطبخ أ سمسمه سعد