بعد عشرة في أحلي جنة …بقلم الإعلامي الكبير الأستاذ /تهامي منتصر
《بعد عشرة في أحلي جنة》بقلم الإعلامي الكبير الأستاذ /تهامي منتصر
افترقنا خلاص يا غالي
والعواطف لسة بيننا
قايدة بتزيدها الليالي
وطول مالسة العمر باقي
هاقضي طول العمر باقي
وان في يوم فكرت ألقي
أحلي منك مش هلاقي
عشنا في دنيا المحبة يا
حبيبتي سنين طويلة
حبنا بتزيد غلاوته
وابتسامته في كل ليلة
وافترقنا صحيح ياقلبي
بس ماكان لينا حيلة
وانتهت لما افترقنا
كل أحلامنا الجميلة
دا الحبايب غيرنا باعو
عهدهم وبفرقة خانوا
وانا ماعمر الثواني
يا حبيبتي علي هانو…
عشنا 11 سنة نروي
حبنا ونبدر حنانه
وانا .. ياما ضحيت براحتي
وبحياتي كتير عشانه
وطول مالسة العمر باقي
هاقضي طول العمر باقي
وان في يوم فكرت ألقي
أجمل منك مش هلاقي
أأه يا أغلي العمر ..قلبي
في السنين المرة عايم
لو تعود لحظة قديمة
م اللي عاشها ف جنة هايم
قلبي من لحظة فراقك
يا حبيبتي لسة نايم…!
أصل جرحه اللي ف صميمه
من فراقك جرح دايم ..
وطول مالسة العمر باقي
هاقضي طول العمر باقي
وان في يوم فكرت القي
أحلي منك مش هلاقي …
………….
