حمادة وماما نونا
كتبت / غادة العليمى
حدث سنة 2007 اثناء التحضير لمسلسل “يتربى فى عزو” بعد ان كتب يوسف معاطي 10 حلقات من المسلسل وعرضهم على بطل العمل يحيى الفخراني
غقال له الفخرانى :” انا مش شايف حد فى دور ماما نونا غير كريمة مختار، محدش هيعرف يعمله زيها، ولو معملتش الدور انا مش هعمل المسلسل”،
وفعلا عرضوا الدور على كريمة مختار ووافقت وبدأت بعدها أشهر علاقة ام وابنها فى تاريخ الدراما المصرية وأشدها خصوصية
وحكي الفخراني انه كان مصدق انه ابنها وبيتعامل معاها طول الوقت كحمادة حتى ان السلسلة اللي عليها صورتها اللي كان لابسها فى المسلسل مكنش بيخلعها خالص حتى بعد التصوير ما يخلص،
ويستكمل الفخراني ان سبب تأثر وتفاعل الناس الكبير مع بكاءه فى مشهد موتها انه كان صادق وحقيقي ببكاء حقيقي وعمره ما شك انها مش امه، وبعد النجاح المدوي للمسلسل بقت علاقتهم مع بعض علاقة حمادة وماما نونا مش يحيى وكريمة حتى ان هذه الصورة من الكواليس تعبر عن التعايش التام للمسلسل لدرجة ان معتز الدمرداش مرة قال :”انا كنت بغير من حمادة”.. استمروا بيتعاملوا مع بعض كحمادة وماما نونا من بعد المسلسل لحد يوم 12 يناير سنة 2017 واثناء ما كان الفخراني بيعرض مسرحية “الف ليلة وليلة” وصله خبر وفاة كريمة مختار دخل بعدها وصلة بكاء وقطع العرض وقالهم :”انا النهاردة فقدت اهم شخصية فى تاريخ السينما المصرية بالنسبة لي وفقدت امى للمره التانية
