الدكتور عاطف جودة يكتب : حبك وطن
حبك وطن
بعدك خطر
قلبى اللى حبك من زمان
داب وانفطر
فارجع بقى
العمر فات
والذكريات
والدمعه واقفه ف العيون
خايف اكون
واحد بيعشق مستحيل
اه لو تميل
وتاخدنى للزمن الجميل
نمسك ايدينا ونمشى
ف الدرب البعيد
هل من مزيد
والشوق يزيد
فارجع بقى
ارجع وقول
العمر لسه ف أوله
ونأوله
والحلم بكره هيتولد
وبنتولد
والشمس تطلع من جديد
والشوق يزيد
ارجع بقى
ارجع وكون
من غير ظنون
ارجع وكون
زى زمان
عصفور بيبحث ع الامان
تحت الليالى عشته
صبحت وطن