خالد فؤاد يكتب / شاعر شهير يفضح لصوص الأغانى والأفلام .. فضحتونا ياحرامية

خالد فؤاد يكتب / شاعر شهير يفضح لصوص الأغانى والأفلام .. فضحتونا يا حرامية

بقلم: خالد فؤاد

تعد ظاهرة سرقة الموسيقي بل والأفكار السينمائية والدرامية سواء من الداخل أو الخارج من الظواهر القديمة التى طالما عانى كبار المبدعين سواء من الأجيال القديمة أو المعاصرة منها .
فلايكاد يمضي عاما واحدا وربما أقل إلا ونفاجأ بقيام أحد الموسيقيين بسرقة الجمل الأساسية للحن لأغنية ربما تكون شهيرة أو غير هذا وتمصيرها بطريقته وتقديمها علي إنها من بنات أفكارة .
وأمتد الأمر أيضا لكتاب ومؤلفين وشعراء قاموا أيضا بسرقة كلمات وأفكار لأغانى ومؤلفات أجنبية وإعادة كتابتها بطريقة مختلفة نسبيا وأيضا قيامهم بالإدعاء إنها ملكا خالص لهم .

ولطالما شاهدنا الكثير من المهازل والفضائح والتى وصل الكثير منها للمحاكم ولسنا في صدد التعرض لها الأن فما أكثرها .

مهرجانات عالمية وفضائح

وقد فاجئنا الشاعر المصرى الشهير محمد جمعة عبر صفحته الخاصة بالفيس بووك بنشر هذا البوست وننشرة كما هو دون تدخل منا .

الشاعر محمد جمعة

تحية لكل مبدع ربنا كرمه وخلاه عمل فكره حلوة وجديدة وشارك بيها في مهرجانات عالمية .. ومش تحية لكل سارق خد فكرة من برة ومصرها وكتب عليها اسمه وقال انها ( فكرته )
!!!
وطبعا هيفضل يعرضها جوه بس علشان لو عرضها بره هيتفضح وهيفضحنا كلنا معاه
وهيدخل في س و ج وليلة ماحدش قدها ف خليك هنا خليك وبلاش تسافر انت والمطبلاتية المسطحين اللي معاك .
وأختتم البوست الخاص به بكلمة واحدة هى ” فضحتونا”

التصوير مع الحرامى

وقد توالت التعليقات عليه ومطالبته بكشف أسماء هؤلاء اللصوص وفضحهم أمام الجمهور المصرى فرد علي أحدهم قائلا : ماهم عارفين ! ومعروفين !!
بالإسم مش محتاجة تلميح
عارف المشكلة مش فيهم
المشكلة في ثقافة البعض من الشعب مش الكل طبعاً وثقافة بعض الإعلاميين
ثقافة غريبة .. بيتصوروا مع الحرامي لما بينجح ويرحبوا بنشالين الأفكار الفنية علشان اللقطة او التريند .
طب دا لسه ممسوك طازة بسرقته امبارح مثلا !!
إذا كان حرامي نص ولا فكرة مسلسل ولا لحن ولا إفيه حتى ولا قصة فيلم ولا ولا ولا اي شئ
مش مهم .. طالما اتشهر خلاص احنا بنتصور معاه ونشجعه وبنقدره وبنبيع الجوايز اذا كان عاجبك
طب دا حرامي .
لا اللي يقول عليه حرامي بعد م اتشهر يبقى غيران !!! 🤣🤣
ثقافة غريبة بقالي اكتر من ٢٠ سنة مش لاقيلها تفسير ؟
ف انا مابقتش فاهم سرقة الأفكار في مجتمعنا بقت حلال ولا زي م اتربينا واحنا صغيرين هي حرام
!!!