سلوكيات مفيدة
لو علمتيها لابنك هتكوني أسعد واحدة بيه
*قول حضرتِك..مش انتِ.
* اللي ممكن يتقال بصوت عالي هيتقال أكيد بصوت واطي..فلو سمحت وطي صوتك وانت بتتكلم.
أي رأي أو رد هتقوله وأنت صوتك عالي. هاعتبر نفسي مسمعتوش و كمان في عقاب لصوتك العالي.
* مش ذوق إنك تستخدم إيدك كتير أثناء الكلام.
* ماتندهش على شخص من بعيد.روح له لحد عنده.
* متسألش في اللي ميخصكش. لأن ده فضول غير مفيد.
*متفكرش كتير إزاي تعجب اللي حواليك. لو شخصيتك جميلة مش هتبذل أي مجهود.
* كل أفعالنا..لها مردود. فيا ريت تفكر كويس قبل ما تقول أي كلمة وأي تتصرف أي تصرف.
* حبك للشخص اللي قصادك شئ و احترامك معاه في التعامل شئ تاني مبتحبوش..انت حر..لكن لو سلم عليك ترد السلام بتهذيب.
* كلمة ( شكرا / وحشتيني/آسف /من فضلك/تسلم إيدك / إيه الجمال ده ) لمامتك.هتخليها فعلا فرحانة. وهتهون عليها كتير.
* أقصر طريق لغرس سلوك في طفلك هو إنه يكون فيك.(لان احنا قولنا سلوك طفلك من سلوكك)
*عايزاه مجامل.خلي كلامك حلو معاه.
عايزاه حنين..شبعيه حنية.هو يستحق..و انتِ كمان
